༄༅།།སྐུ་ཁམས་བཟང་། ནོར་ནོར་བརྙན་འཕྲིན་ལ་ཕེབས་པར་དགའ་བསུ་ཞུ།
  • 拉萨 7℃~-9℃

བ་སོ་ལྐོག་འདྲེན་གྱི་གྱོད་གཞི་ཆེན་པོ་ཞིག་རྩད་ཆོད་པ།

来源:ཀྲུང་དབྱང་རླུང་འཕྲིན་བརྙན་འཕྲི2019-07-28 13:52:56 查看数0

སྤྱི་ཟླ་༧ཚེས་༢༣ཉིན་ཀྲུང་གོའི་འགག་སྒོ་སྤྱི་ཁྱབ་ལས་ཁུངས་ཀྱིས་སྤེལ་བའི་གནས་ཚུལ་ལྟར་ན། ཀྲུང་གོའི་འགག་སྒོ་དང་སིང་ཀ་ཕོར་འགག་སྒོ་སྡེ་ཁག་གཉིས་ཀྱིས་མཉམ་འབྲེལ་སྒོས་བ་སོ་ལྐོག་འདྲེན་ལ་རྡུང་རྡེག་གཏོང་བའི་བྱེད་སྒོ་སྤེལ་ཞིང་། བ་སོ་སོགས་སྟོངས་ལ་ཉེ་བའི་དངོས་རིགས་རྩ་ཆེན་དང་དེའི་ཐོན་རྫས་ལྐོག་འདྲེན་བྱས་པའི་རྒྱལ་སྤྱིའི་ཉེས་གསོག་ཚོགས་པ་ཞིག་གཏོར་བ་དང་། དོགས་ཡོད་ཉེས་ཅན་༡༢བཟུང་ཡོད་ལ། ལྐོག་འདྲེན་བྱས་པའི་བ་སོ་ཏུན་8.8རྩད་ཆོད་ཡོད།

འགག་སྒོ་སྤྱི་ཁྱབ་ལས་ཁུངས་ཀྱིས་གཅིག་གྱུར་གྱི་མཛུབ་སྟོན་བྱས་པར་བརྟེན། ནན་ཉིང་དང་ཧར་པིན། ཀོང་ཀྲོའུ་སོགས་ཀྱི་འགག་སྒོ་ཡིས་ཀོང་ཞི་ཀྲོང་རིགས་རང་སྐྱོང་ལྗོངས་ཀྱི་སྤྱི་བདེ་ཐིང་དང་མཉམ་འབྲེལ་བྱས་ནས། དོགས་ཡོད་ཉེས་ཅན་༡༢བཟུང་པ་དང་། ཀྲུང་གོའི་འགག་སྒོས་མཁོ་འདོན་བྱས་པའི་གསང་འཕྲིན་གནད་ལ་འཁེལ་བར་གཞིགས་ནས། སིང་ཀ་ཕོར་འགག་སྒོ་ཡིས་ཚོགས་པ་དེའི་བ་སོ་ཏུན་8.8ལྐོག་འདྲེན་བྱས་པ་རྩད་ཆོད་ཡོད། གྱོད་དོན་དེ་ལས་ད་དུང་ན་གིའི་ཁྲབ་ལེབ་ཏུན་༡༡.༩རྩད་ཆོད་ཡོད།

མིག་སྔར་གྱོད་དོན་དེ་ནི་སྒྲུབ་བཞིན་པའི་སྒང་ཡིན།

ད་ལོའི་ཚུན་དུ། ཀྲུང་གོའི་འགག་སྒོ་ཡིས་བ་སོ་སོགས་སྟོངས་ལ་ཉེ་བའི་དངོས་རིགས་རྩ་ཆེན་དང་དེའི་ཐོན་རྫས་༼ཨ་ཧྥེ་རི་ཀ་ནས་འདྲེན་པ་དང་། རྒྱལ་ཁབ་མང་པོར་བརྒྱུད་པ། ཉེ་འཁོར་དུ་གསོག་པ། རྒྱལ་ནང་དུ་འདྲེན་པ་༽ཡི་ལྐོག་འདྲེན་གྱི་ཁྱད་ཆོས་ལ་དམིགས་ནས། རྒྱལ་སྤྱིའི་ཁྲིམས་བསྟར་མཉམ་ལས་བྱེད་ཤུགས་ཇེ་ཆེར་བཏང་བས། རྒྱལ་ཁོངས་ལས་བརྒལ་བའི་མཉམ་འབྲེལ་རྡུང་རྡེག་ཐེངས་མང་བྱས་པ་དང་། གནད་དུ་འཁེལ་བའི་ངང་སིང་ཀ་ཕོར་དང་ཝེ་ཐེ་ནམ། ཀྲུང་གོའི་ཤང་ཀང་སོགས་ལ་མཛུབ་སྟོན་བྱས་ཤིང་འགག་སྒོ་ནས་བ་སོ་ཏུན་༡༡དང་། ན་གིའི་ཁྲ་ལེབ་ཏུན་༨༩.༨བསེ་རུའི་རྭ་སྟོང་ཁེ་༩༠.༥བཅས་རྩད་ཆོད་བྱུང་བ་དང་། ལྐོག་འདྲེན་གྱི་ཐོན་ཁུངས་དང་། བརྒྱུད་སྐྱེལ། མངའ་ཁོངས་བརྒལ་བ་བཅས་ཀྱི་སྦྲེལ་ཐག་ཡོངས་ལ་རྡུང་རྡེག་བཏང་ཡོད།